मुंबई गोवा महामार्गांवर सुकेळी खिंडीत तीव्र उतारावर ट्रेलर पलटी, वाहन चालक आत अडकून गंभीर जखमी
कोलाड (विश्वास निकम):-मुंबई-गोवा महामार्ग ६६ वरील सुकेली खिंडीत तीव्र उतारावर रविवार दि. १६ मार्च २०२५ रोजी सायंकाळी ६.१५ वाजण्याच्या सुमारास गोवा बाजूकडून मुंबई बाजुकडे जात असतांना वरील नमूद करण्यात आलेल्या ठिकाणी ट्रेलर क्रमांक एम एच ४३, बी.जी. ६८३७ या क्रमांकांच्या ट्रेलरवर ताबा सुटल्यामुळे गाडी डिवाडरला धडकून टेलर पलटी झाला.
या अपघातात ट्रेलर चालक नितीन कुमार यादव वय वर्षे २५ राहणार लखनो,उत्तरप्रदेश हा केबिनमध्ये अडकून त्याच्या पायाला हाताला गंभीर दुखपत झाली.
त्याला क्रेनच्या साहाय्याने बाहेर काढून त्याला उपचारासाठी जिंदाल हॉस्पिटल सुकेली येथे हलविण्यात आले सदर अपघात स्थळी कोलाड रेस्क्यू टीमने खूप मेहनत घेतली त्यानंतर सदर वाहतूक दोन्ही साईडच्या लेन द्वारे सुरळीत सुरु करण्यात आली.अधिक तपास नागोठणे पोलीस ठाण्याचे सपोनि जी.बी.जगताप यांच्या मार्गदर्शनाखाली पोलिस अंमलदार करीत आहेत.
Comments
Post a Comment